У Полацку ў верасні 2003 года падчас святкавання «Дзён беларускага пісьменства» ў цэнтры горада, на бульвары праспекта Францыска Скарыны адкрыты самы незвычайны помнік у краіне – у гонар чыста беларускай літары "у нескладовае", якая адрознівае наш алфавіт ад азбук іншых славянскіх моў. 

«У кароткае» або «у неcкладовае» - 22-я літара беларускага алфавіту, якая пазначае адпаведны гук. У беларускай пісьменнасці літара у нескладовае стала ўжывацца з 1890-х.

Першапачатковая ідэя помніка належыць беларускаму прафесару Паўлу Семчанка. Аўтар помніка — беларускі скульптар, дацэнт кафедры скульптуры Беларускай дзяржаўнай акадэміі мастацтваў, лаўрэат Дзяржаўнай прэміі Рэспублікі Беларусь Аляксандр Фінскі.

Помнік зроблены ў выглядзе стэлы, на якой зафіксавана літара у нескладовае, а таксама ўвесь беларускі алфавіт. Стэла  служыць яшчэ і сонечным гадзіннікам.